Xornadas, Cursos e Obradoiros da Deputación de Lugo

Descrición: do mesmo xeito que o rei Afonso II se marabillou da Catedral dos tempos do bispo Odoario, os peregrinos actuais do Camiño Primitivo continúan admirando este templo declarado Patrimonio da Humanidade pola UNESCO. A influencia da Catedral de Santiago na construción orixinal románica compleméntase con achegas posteriores do Gótico, o Renacemento, o Barroco e o Neoclasicismo. Dende o corazón do Burgo Vello medieval, a visita á Catedral de Santa María e mailo seu entorno lévanos a través dunha viaxe no tempo que enlaza cos primeiros templos cristiáns en época romana. 

Día: 30/05/2025

Localización: Concello de Lugo

Hora de inicio:  10:30 horas

Duración: 2:30 horas

Punto de encontro: indicarase por correo electrónico ás persoas que se inscriban nesta actividade

Desprazamento: percorrido a pé polo casco antigo da cidade

Requisitos das visitas

• A visita será de carácter gratuíto e o desprazamentos ata Lugo deberase facer por conta das persoas participantes.
• As prazas ofertadas asignaranse por rigorosa orde de inscrición.  
• Os menores de idade deberán ir acompañados polos pais/nais ou titores/as legais. 
  

Descrición: as Ordes de Santiago e de San Xoán de Xerusalén desenvolveron unha labor moi activa protexendo o Camiño e a comunidade cristiá durante o medievo. Aínda despois da construción do embalse de Belesar que transformou a vila de Portomarín para sempre, a igrexa-castelo de San Xoán ou San Nicolás perdura como testemuña do gran poder que acadaron as ordes hospitalarias na Idade Media. Do mesmo xeito, tamén foron fundamentais no Camiño de Santiago numerosos mosteiros ubicados nun entorno natural estratéxico para dar acollida e apoio aos peregrinos, como a igrexa do desaparecido mosteiro de San Facundo de Ribas de Miño.

Día: 31/05/2025

Localización: Concello de  Portomarín e Concello de Paradela.

Hora de inicio:  11:00 horas

Duración: 02:30

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 
• Consultar calquera dúbida antes de iniciar o percorrido. Recoméndase  revisar o itinerario, puntos de encontro e a localización das igrexas antes de iniciar a viaxe, ademáis de imprimir a ruta.
  

Descrición:  Este itinerario, que realizaremos cun guía oficial, inclúe a visita a tres dos templos máis representativos do románico do Saviñao: Santo Estevo de Ribas de Miño, xoia do románico da Ribeira Sacra, con influencia do Mestre Mateo; San Paio de Diomondi, obra arquitectónica con interesante simboloxía situada no Camiño de Inverno de Santiago de Compostela, no inicio da calzada dos Codos de Belesar, e San Lourenzo de Fión, que se atopa nunha pintoresca localización, co río Miño aos seus pés.

Durante a visita achegarémonos tamén ata o miradoiro do Cabo do Mundo, onde contemplaremos os característicos bancais da Ribeira Sacra e a súa coñecida viticultura heroica.

Día: 31/05/2025

Localización: Concello do Saviñao

Hora de inicio:  10:30 horas

Duración: 2:30 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición: o románico rural, símbolo identitario da arte galega, agocha innumerables tesouros aínda descoñecidos. En San Miguel de Bacurín sorprende a forza das imaxes escultóricas empregadas pola Igrexa para instruir ao pobo nunha época na que apenas había acceso á educación. A segunda parte da ruta estará adicada á igrexa monacal de Santa María de Ferreira de Pallares, onde entraremos en detalle sobre o que supuxo na historia de Guntín e tamén se explicará a relevancia das familias nobiliarias medievais, que sufragaban parte da construción ou das obras de igrexas e mosteiros nos que con frecuencia pasaban os seus derradeiros anos de vida ou mesmo eran alí enterrados.

Día: 31/05/2025

Localización:  Concello de Lugo e Concello de Guntín

Hora de inicio: 16:30 horas.

Duración: 02:00 horas.

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Os desprazamentos entre as igrexas realizarase nos vehículos particulares.
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 
• Consultar calquera dúbida antes de iniciar o percorrido. Recoméndase  revisar o itinerario, puntos de encontro e a localización das igrexas antes de iniciar a viaxe, ademáis de imprimir a ruta. 

Descrición: No sur da provincia lucense atópase o concello de Taboada, ao abrigo da serra do Monte Faro, o Monte do San Cristovo, e acompañado polo río Miño no seu transcurso hacia as terras de Chantada e O Saviñao.

Neste concello, aglutínase un importante patrimonio natural e cultural: bosques autóctonos, pazos, casas grandes, esgrafiados, románico... e unha forte tradición vinculada ao río e ao viño, onde as paisaxes de ribeira son escenarios de calma, historia e beleza.

Taboada esconde verdadeiras xoias arquitectónicas que son unha importante representación dun románico rural moi latente na Ribeira Sacra, e que nos falan da súa historia medieval.

A través desta visita farase un recorrido que permitirá coñecer o románico máis representativo deste lugar, e que resulta ser un dos seus principais atractivos.

Comezarase na igrexa de San Pedro de Bembire, unha das imaxes máis identificativas de Taboada, debido ao seu valor histórico e artístico. Un templo moi vinculado aos Condes de Taboada.

Continuarase cara a igrexa de Taboada dos Freires, un lugar que foi clave na contorna, e que conta con elementos arquitectónicos de gran valor, coma o tímpano da súa portada principal onde se pode ver unha representación de Sansón vencendo a un león.

A ruta sigue o seu camiño ata chegar a Santa María de Piñeira para descubrir un dos templos máis ricos arquitectonicamente, e que agocha elementos sorprendentes tanto no seu exterior, coma no seu interior onde , por exemplo, atoparemos un interesante baldaquino do S. XV.

Finalizarase en Santa María de Castelo para coñecer un pequeno templo que agocha grandes tesouros da súa época románica, tales como a fiestra do testeiro ou o seu arco triunfal conservado e emprazado no seu interior.

A visita ao románico de Taboada permite viaxar ao seu pasado monacal a través da interpretación dos seus templos, nun contexto rural cargado de historia e paisaxes sorprendentes.

Día: 31/05/2025

Localización: Concello de Taboada

Hora de inicio:  16:30 horas

Duración: 4:00 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición: A ruta dará comezo na igrexa románica de Ribas Altas onde poderemos ver unha clásica construción do século XII que, segundo a documentación do templo, foi encargada construír por Alfonso IX á igrexa de Lugo. A continuación, dirixirémonos en coche cara San Vicente do Pino, onde continuaremos a pé cara o conxunto monumental de  San Vicente do Pino, núcleo orixinario de Monforte onde se levantou o denominado Castro Dactonium e que hoxe ocupa o mosteiro de San Vicente do Pino (Parador de Turismo) e a Torre da Homenaxe. 

Día: 01/06/2025

Localización: Concello de Monforte de Lemos

Hora de inicio:  10:30 horas

Duración: 2:30 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en coches particulares entre San Pedro de Ribas Altas e Monforte de Lemos. A pé polo casco antigo de Monforte.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais.

Descrición: Na visita á Basílica de san Martiño de Mondoñedo (finais do S. XI-principio do S.XII) falaremos da historia e edificación do templo como das súas etapas construtivas, citando algunha das actuacións de restauración feitas ao longo do tempo como o desencalo das paredes que deixaron á vista os frescos do Románico mais antigos de Galicia (1º 1/3 do s. XII), que xunto cos frescos Barrocos conforman un interesante programa iconográfico. Tamén exporemos a iconografía dos relevos dos distintos capiteis sen esquecer o impresionante retablo petreo que destaca no centro da ábside principal. 

Día: 01/06/2025

Localización: Concello de Foz

Hora de inicio:  10:30 horas

Duración: 1:15 horas

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición. 
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición: Visita guiada á vila histórica de Viveiro, que atesoura un gran patrimonio arquitectónico e moitas historias. Vila mariñeira e de gremios medievais que medra nos tempos do Rei Afonso IX e a finais do século XII. Un paseo polas súas rúas e prazas, que nos permitirá interpretar a fisionomía urbana e medieval, achegándonos ao patrimonio militar-defensivo do románico: Porta da Vila, área arqueolóxica do Valado e igrexa de Santa María do Campo. 

Día: 01/06/2025

Localización:  Concello de Viveiro

Hora de inicio: 17:00 horas.

Duración: 01:30 horas.

Punto de encontro: indicarase por correo electrónico ás persoas que se inscriban nesta actividade.

Desprazamento: a pé polo casco antigo de Viveiro.

Requisitos da visita:

• A visita será de carácter gratuíto e o desprazamento ata Viveiro deberase facer por conta das persoas participantes.
• As prazas ofertadas asignaranse por rigorosa orde de inscrición.  
• Para o itinerario, recoméndase levar calzado cómodo.
• Os menores de idade deberán ir acompañados polos pais/nais ou titores/as legais.

Descrición:  Comezaremos esta interesante visita polo monacato feminino da zona polo Mosteiro Cisterciense de Ferreira de Pantón, auténtico expoñente da simboloxía do románico da provincia lucense e o único que continúa con vida monástica ininterrompida dende a súa fundación. A continuación, dirixirémonos a San Miguel de Eiré, onde se pode gozar dun templo románico único na Ribeira Sacra debido ao seu falso cruceiro que se constrúe para levantar un pesado campanario que confire robustez ao edificio. Para rematar, visitaremos á igrexa de San Fiz de Cangas, veremos o calvario románico do século XII-XIII e o interior deste templo dividido en tres naves.

Día: 07/06/2025

Localización: Concello de Pantón

Hora de inicio:  10:30 horas

Duración: 2:30 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición: O patrimonio arquitectónico de Antas de Ulla é tan amplo como variado. O seu esplendor en época medieval materializouse en magníficos exemplos tanto civís coma relixiosos. Destes últimos daremos conta nesta visita, coñecendo da man dun guía oficial as igrexas de San Xoan, Amoexa e Sta. Mariña de Amarante. O “Condado Ulliensis” do recoñecido Códice Calixtino é unha boa testemuña do románico lucense. Anímate a descubrilo nesta ruta!

Día: 07/06/2025

Localización: Concello de Antas de Ulla. 

Hora de inicio:  10:30 horas

Duración: 3 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para o itinerario, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición:  Durante esta visita guiada achegarémonos ao románico do Xeoparque das Montañas do Courel En primeiro lugar, dirixirémonos a San Salvador de Hospital, onde descubriremos unha igrexa con orixes nos séculos XII-XIII que conserva a ábsida primitiva mesturado diferentes estilos. Ademais, neste espazo conflúen diferentes tipos de arquitectura: militar, civil e relixiosa. A continuación, desprazarémonos ata a Abadía de San Clodio, en Ribas de Sil, cuxa referencia máis antiga data de 1151. A nosa última visita será a igrexa de Santa María de Torbeo, integrada na ruta TRANSROMANICA europea, que se ben data dos séculos XII-XIII, a existencia de vestixios visigóticos e mozárabes noutros materiais permítennos especular coa existencia de un templo primitivo anterior.

Día: 07/06/2025

Localización:  Concellos de Ribas de Sil e Qurioga

Hora de inicio: 16:30 horas.

Duración: 02:30 horas.

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición: Esta ruta adícase aos exemplares máis senlleiros e destacables do medievo nos concellos lucenses de Palas de Rei e Monterroso. Así, comezaremos o noso percorrido no antigo Mosteiro de San Salvador de Vilar de Donas, unha das xoias do románico lucense. A súa orixe monástica será a que xustifique a súa espectacularidade.  Seguiremos o noso camiño cara as veciñas igrexas de San Cristovo de Novelúa e San Miguel de Esporiz, mostra da proliferación de templos de estilo románico favorecida polo paso do Camiño de Santiago. 

Día: 07/06/2025

Localización: Concello de Palas de Rei e Concello de Monterroso. 

Hora de inicio:  16:30 horas

Duración: 3:00 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición:  Iniciaremos a visita na antiga Praza do Mercado da Vila de Sarria, situada xusto á beira da Igrexia de Santa Mariña, a cal se construe a principios do século XIX, a partir dun antigo templo románico.

Seguindo o propio Camiño de Santiago chegaremos ata a Igrexa de San Salvador, onde nos deteremos a admirar e visitar este templo relixioso.

A continuación, continuaremos camiñando ata alcanzar o Mosteiro da Magdalena, unha clara testemuña da evolución do Camiño, e da Vila de Sarria, desde o S. XIII ata a actualidade.

Finalmente, haberá que desprazarse en vehículo privado ata o pobo de Barbadelo onde poderemos coñecer e visitar unha das xoias do Románico do Camiño Francés: a igrexa de Santiago de Barbadelo.

Día: 08/06/2025

Localización: Concello de Sarria

Hora de inicio:  11:00 horas

Duración: 02:00 horas

Requisitos das visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes en vehículos particulares. En Sarria, o percorrido polo casco antigo farase a pé. 
• As prazas ofertadas asignaranse por rigorosa orde de inscrición. 
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais.
• Consultar calquera dúbida antes de iniciar o percorrido. Recoméndase  revisar o itinerario, puntos de encontro e a localización das igrexas antes de iniciar a viaxe, ademáis de imprimir a ruta. 
• O atoparse en obras é moi probable que non se poda acceder o interior do Mosteiro da Magdalena, al menos a parte do claustro.

Descrición: Chantada atópase no epicentro de Galicia e en plena Ribeira Sacra. Lugar singular escollido no medievo para o retiro espiritual. Así, destaca San Salvador de Asma, mosteiro con orixe en época prerrománica e con moitos cambios ao longo da súa historia pero cun legado románico significativo. A súa ábsida, do século XII, mostra as formas de facer do medievo. Ademáis, destacan os motivos escultóricos, de boa factura e cun nome propio: O mestre de Asma.

Outra das xoias do concello é Santa María de Nogueira, situada nun enclave fermosísimo, na cima do Cabo do Mundo, é todo un espectáculo de templo. A súa orixe románica dá paso a un programa pictórico no seu interior que lle vale o sobrenome da “Capela Sixtina galega” que non deixa impasible a ninguén. Unha mistura de estilos que se complementan e fan dela un grande reclamo en toda a Ribeira Sacra.

Día: 08/06/2025

Localización: Concello de Chantada

Hora de inicio:  11:00 horas

Duración: 2:30 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares dos participantes

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais. 

Descrición: A grandiosa igrexa -hoxe parroquial-, o edificio do mosteiro convertido en Consistorio e a praza do Convento, forman parte do cenobio cisterciense fundado en Meira no século XII, que sobreviviu ata o 1835 chegando a ser Facultade de Filosofía e Letras. A austeridade desta orde contraponse cos retablos barrocos e as pinturas murais da sala das reliquias.

Tanto o sartego de Dona María de Bolaño e a lápida de Frei Atanasio Zepeda, como as magníficas e orixinais ferraxes da porta principal ou o edificio e claustro do Colexio Maior, mostran a grandiosidade que tivo no seu día esta abadía de orixe francesa.

Día: 08/06/2025- Domingo de feira

Localización: Concello de Meira

Hora de inicio:  11:00 horas

Duración: 01:30 

Requisitos das Visitas

• As visitas serán de carácter gratuíto e o desprazamento ata o monumento deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Os menores de idade deberán ir acompañados polos pais/nais ou titores/as legais.
• Ao ser día de feira en Meira, recoméndase ir con tempo suficiente para aparcar. 

Descrición: Comezaremos esta visita no Horreum Romano de Proendos, sito en dita parroquia, para achegarnos ao pasado romano do concellos e a este peculiar descubrimento único na área noroeste da Península Ibérica. A continuación, acercarémonos á igrexa parroquial de Proendos, antigamente parte dun mosteiro e que hoxe, ademáis de conservar partes románicas como a portada, descúbrenos un mundo de cor coas súas pinturas do século XVI. Continuaremos a tarde na igrexa románica de San Vicente de Pinol, a cal nos aproxima a un curioso pasado flanqueado por San Cristovo.

Realizarase tamén unha visita á igrexa de San Xiao de Lobios. 

Día: 08/06/2025

Localización: Concello de Sober

Hora de inicio:  16:30 horas

Duración: 02:30 horas

Punto de encontro: indicarase por correo electrónico ás persoas que se inscriban nesta actividade.

Desprazamento: en vehículos particulares.

Requisitos das Visitas

• As visitas serán de carácter gratuíto e os desprazamentos ata os monumentos deberanse facer por conta das persoas participantes.
• As prazas ofertadas asignaranse por rigorosa orde de inscrición.  
• Para os itinerarios, recoméndase levar calzado cómodo, auga e chaqueta para a visita ao interior dos monumentos.
• Os menores de idade deberán ir acompañados polos pais/nais ou titores/as legais.